ეროვნული საცეკვაო შოუ ,,ქართული ლეგენდა’’

Samaia Georgian Legend-მა მოახერხა და თანამედროვე ტექნიკური საშუალებების მეშვეობით; სასცენო გაფორმების მაღალმხატვრული შტრიხების შემოტანით, მოცეკვავეთა საშემსრულებლო ოსტატობით გაჯერებულმა საცეკვაო სანახაობამ განაცვიფრა მაყურებელი მსოფლიოს მასშტაბით და რეალური სამყაროს მხატვრული ანარეკლის მომსწრე გახადა. თითოეული ცეკვის შინაარსი, მისი სიუჟეტური ხაზის განვითარება დახუნძლულია ახალი ქორეოგრაფიული მიგნებებით, თანამედროვე ინტერპრეტაციებით, რომელიც ჯეროვნად ერწყმის სტილიზებულ მუსიკალურ კომპოზიციებს. ბუტაფორიულად შექმნილი გარემო და ხმის ეფექტები - ყოველივე ზემოაღნიშნული მაყურებელს თანაზიარს, შოუს უშუალო მონაწილეს ხდის და ამოგზაურებს ჯადოსნურ სამყაროში.